KOMPANITË FESTOJNË, QYTETARËT TË BLLOKUAR NGA BORA

Rreth 8 familje kanë mbetur të ngujuar nga bllokimi i rrugës tash e 3 ditë, si pasoj e reshjeve të mëdha të borës. E gjitha kjo po ndodh në fshatin Malsi e re, rruga e "mullirit" në Prizren.

Qytetarët thonë se kanë kërkuar ndihmë nga Policia e Kosovës, por kjo e fundit i ka njoftuar se kompania kontraktuese, për mirëmbajtjen e rrugëve “Higjiena”, refuzon të dal dhe ti pastroj rrugët nga bora, duke u arsyetuar se janë duke festuar festën e “Krishtlindjeve” dhe se gjatë festave ata nuk punojnë.

Kurse nga Policia e Kosovës, konfirmohet se kanë marrë shumë telefonata nga këta qytetarë, të cilët po kërkojnë ndihmë vazhdimisht dhe se qëndrojnë të ngujuar në shtëpitë e tyre, prapa një rruge prej rreth 500 metrave totalisht të bllokuar nga reshjet e borës.

E pas gjithë kësaj, qytetarët ja mësyn që ta hapin rrugën me forca të tyre, por ishte e pa mundur. Tani ende mbesin të mbyllur në shtëpitë e tyre, duke pritur që të përfundojnë festat dhe ndoshta dikush do tu dal në ndihmë për ta hapur rrugën.

Ermal A. Kadriaj